Италия чемпионатининг сўнгги – 38-тури доирасида “Фиорентина” сафарда “Сассуоло”ни мағлуб этди – 3:1.

"Бинафшаранглилар" сафида голларга Артур Кабраль, Риккардо Сапонара ва Николас Гонсалес муаллифлик қилишди. Мезбонлардан Доменико Берарди пенальтидан гол урди.

82-дақиқада “Сассуоло” футболчиси Руан Трессолди иккинчи сариқ карточка олиб майдондан четлатилди. Орадан 6 дақиқа ўтиб Рожерио тўғридан-тўғри қизил карточка олганидан сўнг, мезбонлар 9 киши бўлиб ўйинни якунлади.

"Фиорентина" 56 очко жамғариб, А Серияда 8-ўринга кўтарилиб олди. "Сассуоло" 45 очко ва 13-поғонада.