Хабарингиз бор, жорий йилнинг 11 - 20 июнь кунлари Тошкент шаҳрида “CAFA Nation's Cup”  халқаро мусобақаси бўлиб ўтади. Минтақамизнинг нуфузли мусобақасини юқори савияда ўтказиш мақсадида Ўзбекистон футбол ассоциацияси томонидан саъй-ҳаракат давом эттирилмоқда. Хусусан, ЎФА ишчи гуруҳи томонидан турнир ўтказиладиган стадионлар, меҳмонхоналар ва машғулот майдонлари шай ҳолатга келтирилган.

Мусобақа ўтказишга масъул бўлган Марказий Осиё футбол конфедерацияси делегацияси мамлакатимизга етиб келди. Бугун Ўзбекистон футбол ассоциациясида САФА ва ЎФА вакиллари иштирокида турнирга тайёргарлик ишларига бағишланган учрашув бўлиб ўтди. Дастлаб САФА вакиллари Ўзбекистоннинг мазкур йирик турнирни ташкил этиш ташаббуси учун миннатдорчилик билдирдилар.

Йиғилишда мусобақанинг ташкилий жараёнлари, ҳусусан, ташриф буюрадиган делегация ва меҳмонларни муносиб кутиб олиш, уларга барча шароитларни тақдим этиш, меҳмонхоналардаги қулайликлар, стадионлар ва машғулот майдонлари сифатини таъминлаш масалалари муҳокама қилинди. Мусобақа иштирокчилари ҳамда меҳмонларнинг хавфсизлигини таъминлашга алоҳида эътибор қаратилди. Стадионларда фуқаролар ва транспорт ҳаракатини тартибга солиш борасидаги режалар мувофиқлаштирилди. Матбуот ва медиа вакилларига барча шароитларни яратиш зарурлиги таъкидланди.

Барча йўналишлар бўйича мутахассисларнинг таклифлари ўрганиб чиқилди ва масъулларга тегишли кўрсатмалар берилди.

Эслатиб ўтамиз, мусобақа иштирокчиси бўлган Ўзбекистон миллий терма жамоаси гуруҳ босқичидаги дастлабки баҳсини 11 июнь куни Уммонга қарши ўтказади. Учрашув «Бунёдкор» стадионида бўлиб ўтади