«Бухоро» жамоаси бош мураббийи Улуғбек Бақоев Ўзбекистон кубоги гуруҳ босқичи 3-тури доирасида бўлиб ўтган «Шўртан»га қарши ўйиндан кейин ўз фикрлари билан ўртоқлашди.

— Ўйин ҳақида фикрларингиз.
— Умуман олганда ўйин қизиқарли ўтди, биринчи бўлимда 3-4 та яхши вазиятлар яратдик. Кейин Иккинчи бўлимда ҳисобни очдик, сал ўтиб гол ўтказиб юбордик. Минимум вазифа гуруҳдан чиқиш эди ва биз буни уддаладик — гуруҳдан чиқдик.

— "Бухоро" жамоаси бир неча ўйиндан бери вазиятлардан фойдаланмаслик борасида оқсаб келмоқда. Бу камчиликни бартараф этишни иложи борми?
— Бугун ҳам гувоҳи бўлдингиз бир неча хавфли вазиятлар яратдик. Гоҳ тўсин, гоҳ ноаниқ зарбалар берилди. Энг муҳими голли вазиятларда яратиляпти жамоанинг ўйин суръатида ижобий ўзгариш бор. Биз бу камчиликни тузатишга ҳаракат қиламиз.

— Жамоага таклиф этиладиган футболчиларни белгилаб олдингизми?
— Селекция ишларини аллақачон бошлаб юборганмиз, 3 нафар футболчи билан келишиб бўлдик. Ҳужжат ишларини якунлаб олсак бўлди, улар жамоамизга келиб қўшилашади. Регламент бўйича 5 нафар ўйинчи олиш мумкин. Ундан ташқари 20 ёшгача бўлган иқтидорли футболчиларни ҳам жамоага таклиф қилишни кўзлаяпмиз.