“Арсенал” жамоа ҳужумчиси Реисс Нельсон билан фаол музокараларни давом эттирмоқда, деб хабар беради Football365.

Манбага кўра, томонлар ўртасидаги музокара жараёни янги босқичга ўтган. Клуб раҳбарияти 23 ёшли футболчига келажакда умид боғламоқда, шу боис у билан янги шартнома бўйича келишишга уринишда давом этмоқда.

Реисснинг "канонирлар" билан амалдаги шартномаси шу ой охирида тугайди. У 2019 йилдан бери Лондон жамоасида ўйнаб келмоқда.

Нельсон ўтган мавсумда Премьер-лигада 11 та ўйинда майдонга тушиб, 3 та гол ва 2 та голли узатмага муаллифлик қилган.