"Манчестер Юнайтед" ёзги трансфер ойнасида ҳимоя чизиғини кучайтиришни режалаштирмоқда. Fichajes нашри хабарига кўра, “қизил иблислар” “Аякс”дан Юрриен Тимберни қўлга киритиш борасидаги саъй-ҳаракатларни кучайтирган. Битим суммаси 50 миллион еврога етиши мумкин.
Эрик тен Хаг "Аякс"даги фаолиятидан жуда яхши биладиган Тимбер билан шартнома имзолашга "Манчестер Юнайтед" бир йил олдин уриниб кўрди. Ўшанда келишув муваффақиятсизликка учради.
Қайд этилишича, АПЛнинг яна бир гиганти “Ливерпуль” 21 ёшли нидерландияликни ўз сафида кўрмоқчи, яъни “Манчестер Юнайтед” трансфер борасида рақобатга дуч келади.
