"Челси" "Интер" дарвозабони Андре Онанани ўз сафига қўшиб олиш режасини ишлаб чиқди.
Лондонликларнинг янги бош мураббийи Маурисио Почеттино ўз жамоасида камерунлик футболчини кўришни жуда истаяпти, шу боис клуб яна бу йўналишдаги ишларни бошлаб юборди, дея хабар беради журналист Санти Ауна. Манбага кўра, "Челси" ўз дарвозабони Эдуар Мендини шартномага қўшишга тайёр, "Интер" эса қўшимча тўлов ҳам талаб қилиши мумкин.
Менди асосий таркибдан тушиб қолганидан сўнг ёзги трансфер ойнасида "Челси"ни тарк этмоқчи. Клуб алмашиш жараёнини соддалаштириш учун 31 ёшли сенегаллик кипер аллақачон янги агент ёллаган.