"Брайтон" ярим ҳимоячиси Алексис Макаллистер "Ливерпуль"га ўтади.
Аввал хабар қилинганидек, аргентиналик футболчининг яқин орада мерсисайдликлар лагерига ўтиши деярли муқаррар. Инсайдер Николо Скиранинг сўзларига кўра, клублар трансфер шартлари бўйича тўлиқ келишиб олган. "Ливерпуль" 24 ёшли футболчи учун тахминан 60 миллион евро тўлайди. Жаҳон чемпионининг меҳнат шартномаси яна бир йилга узайтириш имконияти билан 2028 йилгача тузилади, маоши йилига 6 миллион еврони ташкил қилади.
Алексис Макаллистер жорий мавсумда "Брайтон"нинг 40та ўйинида майдонга тушиб, 12та гол ва 3та голга ассистентлик қилди.
