Стефано Пиолининг "Милан" бош мураббийи сифатидаги келажаги маълум бўлди.
Инсайдер Жанлука ди Марцио хабарига кўра, техник директор Паоло Мальдини ва спорт директори Фредерико Массара ишдан бўшатилганига қарамай, мутахассис ўз ишини сақлаб қолади.
Манба берган хабарга кўра, "россонерилар" раҳбарлари кейинги мавсумда Пиолини жамоа бошқарувида қолдиришга қарор қилишган. Мутахассиснинг ўзи ҳам кейинги ҳамкорликка қарши эмас.
Стефано 2019 йилнинг октабридан буён "Милан"ни бошқариб келмоқда. Унинг клуб билан шартномаси 2025 йилнинг ўрталарига қадар тузилган.
Пиоли қўл остида жамоа ўтган мавсумни А серияда тўртинчи ўринда якунлади.
