Ҳимоячи Ким Мин Чжэ ёзги трансфер ойнасида “Наполи”ни “Манчестер Юнайтед”га алмаштиради. 26 ёшли футболчи “қизил иблислар” сафига қўшилишдан олдин ўз ватанида ҳарбий хизматни ўтайди. Бу ҳақда нуфузли Goal портали Il Mattino'га таяниб хабар бермоқда.
Маълумки, Жанубий Кореяда қонунан барча фуқаролар ҳарбий хизматни ўташи шарт. Истиснолар фақат терма жамоа билан халқаро миқёсдаги муҳим ютуқлар учун қилинган.
Аввалроқ, "Манчестер Юнайтед" Кимнинг трансфери учун 60 миллион евро тўлаши мумкинлиги ҳақида хабарлар тарқалган эди.
Эслатиб ўтамиз, Ким Мин Чжэ ўтган ёздан бери “Наполи” шарафини ҳимоя қилиб келмоқда.
