"Челси" ярим ҳимоячиси Мэйсон Маунт "Ливерпуль"ни рад этди. Relevo хабарига кўра, англиялик хавбек мерсисайдликлар вакилларига Юрген Клопп жамоасига ўтиш нияти йўқлигини маълум қилган.
Қайд этилишича, Мэйсоннинг устувор варианти “Манчестер Юнайтед” бўлиб, у “Ливерпуль”дан фарқли ўлароқ, келаси мавсумда Чемпионлар лигасида ўйнайди. "Челси" ярим ҳимоячиси учун 80 миллион евро талаб қилмоқда, гарчи футболчининг шартномаси тугашига атиги бир йил қолган бўлса ҳам.
Эслатиб ўтамиз, Маунт "Челси" раҳбарияти билан можарога учраган, шу сабаб лондонликлар тарбияланувчиси жамоани тарк этишга яқин турибди.
