Бергамо клуби расмий сайти хабарига кўра, "Аталанта" бош мураббийи Жан Пьеро Гасперини келаси мавсумда жамоани бошқаришда давом этади.

6 июнь куни бўлиб ўтган учрашувда томонлар ҳамкорликни давом эттиришга келишиб олдилар.

Гасперини 2016 йилдан бери «Аталанта»ни бошқариб келмоқда. Мутахассис Бергамода ишлашдан аввал “Интер”, “Женоа” ва “Палермо” каби жамоаларни бошқарган.

А Сериянинг сўнгги мавсумига кўра, "Аталанта" турнир жадвалида бешинчи ўринни эгаллади. Жамоа 38 учрашувда 64 очко жамғарган.

Жан Пьеронинг клуб билан амалдаги шартномаси келаси йилнинг июнь ойи охиригача амал қилади.