Bergamo klubi rasmiy sayti xabariga ko‘ra, "Atalanta" bosh murabbiyi Jan Pyero Gasperini kelasi mavsumda jamoani boshqarishda davom etadi.

6 iyun kuni bo‘lib o‘tgan uchrashuvda tomonlar hamkorlikni davom ettirishga kelishib oldilar.

Gasperini 2016 yildan beri «Atalanta»ni boshqarib kelmoqda. Mutaxassis Bergamoda ishlashdan avval “Inter”, “Jenoa” va “Palermo” kabi jamoalarni boshqargan.

A Seriyaning so‘nggi mavsumiga ko‘ra, "Atalanta" turnir jadvalida beshinchi o‘rinni egalladi. Jamoa 38 uchrashuvda 64 ochko jamg‘argan.

Jan Pyeroning klub bilan amaldagi shartnomasi kelasi yilning iyun oyi oxirigacha amal qiladi.