"Барселона" ярим ҳимоячи Франк Кессье билан хайрлашмоқчи.

Журналист Хави Мигель хабарига кўра, "кўк-анорранглилар" бош мураббийи Хави Эрнандес яқинда ивуарлик футболчи билан учрашган ва клуб уни қийин иқтисодий вазият туфайли сотишга қарор қилганини тушунтирган.

Қайд этилишича, Кессье "Барселона"нинг қарорига хайрихоҳ. Каталония клуби энди ивуарлик ярим ҳимоячи учун харидор қидирмоқда. Хави Эрнандес жамоаси Франкни 35 миллион евро эвазига қўйиб юборишга тайёр.

Сўнгги ойларда Кессьенинг трансферига энг кўп қизиқиш билдирган клуб "Интер" бўлди.