Мадриднинг «Реал» клуби бош мураббийи Жозе Моуриньо португалиялик журналистларга берган интервьюси чоғида Испаниядаги олиб борилаётган сиёсатга тушунмаслигини таъкидлаб ўтди.

«Мен учун буни Португалиядаги бирор вазият билан солиштириш қийин. Бизда бунақа ҳолатлар йўқ. Тўғри бизда шимол ва жануб қарама-қаршилиги — «Бенфика» ва «Порту» тўқнашуви бор. Бу максимум кўрсаткичда. Унда футболдан бошқа чегарага ўтилмайди. Португалия кичик мамлакат ва мен доим бирлашиб туришимизни хоҳлайман. Аллоҳга шукрки, португалман ва португал бўлиб қоламан, лекин Каталониянинг нега мустақил бўлишни хоҳлашини умуман тушунмайман», дея гапириб ўтди Моуриньо.