Ўз ватанида “Сельта” сафида тўп тепаётган испаниялик ҳужумчи Яго Аспас Европани тарк этиб, фаолиятини Яқин Шарқда давом эттириши мумкин. Goal.com хабарига кўра, 35 ёшли ҳужумчининг трансферига Саудия Арабистони чемпионати вакилларидан бири қизиқиш билдирмоқда.
Номи ошкор этилмаган клуб вакиллари аллақачон тажрибали тўпурарнинг агенти билан дастлабки музокараларни олиб боришган.
Аспас 2015 йилнинг июлидан бери виголиклар шарафини ҳимоя қилиб келмоқда. Томонлар ўртасидаги амалдаги шартнома 2025 йилнинг июнь ойи охирида якунига этади.
Испания чемпионатининг сўнгги мавсумида ҳужумчи 37 та жанг ўтказиб, 12 та гол ва 3 та голли узатмани амалга оширган.
