Бразилиялик ҳимоячи Алекс Сандро Туриннинг “Ювентус” клуби раҳбарияти билан меҳнат шартномасини бекор қилиш борасида музокаралар олиб бормоқда. Бу ҳақда Football-Italia нашри журналистлари хабар бермоқда.

Эслатиб ўтамиз, 32 ёшли латераль "кекса синьора" таркибида 2015 йилдан бери ўйнаб келмоқда, ўшанда у "Порту"дан 28 миллион еврога сотиб олинганди. Томонлар ўртасидаги амалдаги шартнома муддати 2024 йилнинг ўрталаригача ҳисобланган.

Ўтган мавсумда Сандро "бьянконерилар" сафида барча турнирларда 37та ўйинда қатнашиб, иккита голли узатмани амалга оширган.

Мавсум якунида “Ювентус” А Серияда еттинчи ўринни эгаллади.