Қатар шайхи Жасим бин Ҳамад Ал Тани "Манчестер Юнайтед"ни сотиб олиш бўйича янги таклиф билан чиқди.
Sky Sport хабарига кўра, у "Манчестер Юнайтед"ни сотиб олиш бўйича бешинчи таклифни юбориб, уни яхшилаган. Унда "Манчестер Юнайтед"нинг 100 фоиз акцияларини сотиб олиш ва клубнинг барча қарзларини тўлаш кўзда тутилган. Ал Тани бу охирги таклиф эканлигини аниқ айтди.
ESPN'нинг қўшимча қилишича, Ал Тани Глейзерлардан жума кунигача таклифга жавоб беришни сўраган.
Қатарликларнинг тўртинчи таклифи 5 миллиард фунтга яқин эди. Глейзерлар 6 миллиард доллар талаб қилмоқда.
