"Бавария" "Барселона" ярим ҳимоячиси Френки де Йонгни сотиб олмоқчи эмас. Германиянинг Bild нашри хабарига кўра, нидерландиялик футболчи Томас Тухель жамоаси қидираётган ҳимоячи ярим ҳимоячиси профилига мос келмайди. Бундан ташқари, Френкининг ўзи ҳам трансфердан манфаатдор эмас, чунки у "Барселона"да қолишни хоҳлайди.
"Бавария" учун янада жозибадор вариант - "Вест Хэм" аъзоси Деклан Райс, аммо англиялик футболчи Бундеслигада янги тажрибага киришишдан кўра, ватанида қолиб, "Арсенал"га ўтишни афзал кўради.
Эслатиб ўтамиз, "Барселона" ўтган ёзда де Йонгни сотишга ҳаракат қилган, бироқ Френки ўшанда ҳам қолишни исташини таъкидлаган эди.
