Миланнинг "Интер" раҳбарияти ҳужум чизиғини кучайтиришдан манфаатдор.
Таниқли журналист Жанлука ди Марцио сайти хабарига кўра, "нерадзуррилар" бош мураббийлари Берлиннинг "Герта" жамоасининг бельгиялик ҳужумчиси Доди Лукебакиони ўз сафига қўшиб олиш имкониятларини ўрганишмоқда. Эслатиб ўтамиз, Бундеслиганинг сўнгги мавсумида “оқ-кўклар” чемпионатда сўнгги ўринни эгаллаганди.
Ўтган мавсумда 25 ёшли вингер пойтахт клуби либосида барча турнирларда 33та ўйин ўтказиб, 12та гол ва 4та голга ассистентлик қилган. Transfermarkt портали "Вольфсбург", "Андерлехт" ва "Фортуна" клубларининг собиқ футболчисининг нархини 12 миллион еврога баҳоламоқда.