Нидерландиялик ҳимоячи Дэйли Блинд "Жирона"га ўтиши мумкин.
Манбанинг хабарига кўра, футболчи ва унинг вакиллари Испанияда бўлиб, келажакдаги шартнома борасида музокаралар олиб бормоқда. Томонлар келишувга яқин экани айтилмоқда.
33 ёшли футболчи қишки трансфер ойнасида Мюнхен клубига текинга ўтганди. Унинг амалдаги шартномаси июнь ойи охиригача амал қилади. Умуман олганда, нидерландиялик футболчи “Бавария” сафида бешта учрашувда майдонга тушди.