"Лейпциг" ҳимоячиси Йошко Гвардиол "Манчестер Сити" ёки "Реал"га ўтиши мумкин.
90min нашрининг ёзишича, футболчининг хизматларига "Челси" ҳам қизиқмоқда, аммо унинг Лондон жамоасига ўтиши даргумон.
21 ёшли хорватиялик футболчи 2021 йилнинг ёзидан буён “Лейпциг”да тўп сурмоқда. Унинг клуб билан шартномаси 2027 йилгача мўлжалланган.
Гвардиол ўтган мавсумда "Лейпциг" сафида барча мусобақаларда 41 та ўйинда майдонга тушиб, 3 та гол урган. Transfermarkt портали ҳимоячининг нархини 75 миллион еврога баҳоламоқда.













