"Бавария" агар 30-40 миллион евролик таклиф тушса, ҳимоячи Бенжамин Паварни қўйиб юборишга тайёр.
Манбага кўра, 27 ёшли франциялик футболчига "Реал", "Барселона", "Ливерпуль", "Ман Сити" ва "МЮ" клублари қизиқиш билдирмоқда.
Аввалроқ Sky Sport футболчининг шу ёзда жамоани тарк этиш истаги борлиги ҳақида хабар берган эди.
Паварнинг мюнхенликлар билан шартномаси 2024 йилнинг ёзида якунига етади. Жорий мавсумда Павар жамоа сафида Бундеслигада 30 та ўйинда майдонга тушиб, 4 та гол урди ва 1 та голли узатмани амалга оширди.













