Серхио Бускетснинг "Барселона"дан кетганидан кейин фаолиятини давом эттириш учун учта варианти бор.
ESPN ўз манбаларига таяниб хабар беришича, ярим ҳимоячи “Интер Майами” билан мумкин бўлган ўтиш борасида музокара олиб борган. Бускетс Саудия Арабистонининг "Ан-Наср" ва "Ал-Ҳилол" клублари билан ҳам музокаралар олиб бормоқда.
Саудия Арабистонида унга каттароқ шартнома таклиф қилишмоқда.
Манбаларнинг айтишича, агар сўнгги дақиқада ҳеч нарса ўзгармаса, Серхио фаолиятини шу уч клубдан бирида давом эттиради.
Лионель Мессининг "Интер Майами"га ўтиши Бускетснинг қарорига таъсир қилиши мумкин.
Испаниялик футболчининг “Барселона” билан шартномаси 30 июн куни якунига етади. У клубни эркин агент сифатида тарк этади.