"Олтин тўп"ни топшириш маросими қачон бўлиб ўтиши маълум бўлди. France Football ижтимоий тармоқларида хабар қилишича, нуфузли мукофот 30 октябрь куни Шатле театрида (Париж) топширилади. Соврин учун даъвогарларнинг якуний рўйхати 6 сентябр куни эълон қилинади.
Эслатиб ўтамиз, "Олтин тўп"нинг амалдаги соҳиби "Реал Мадрид" ва Франция терма жамоасининг собиқ ҳужумчиси Карим Бензема ҳисобланади.
Бу йилги совриннинг асосий фаворити аргентиналик ҳужумчи Лионель Мессидир. 35 ёшли ҳужумчи терма жамоа билан бирга 2022 йилги жаҳон чемпионатида ғолиб чиқди, шунингдек, "ПСЖ" билан Франция чемпионлигини қўлга киритди.
