"Бавария" ярим ҳимоячиси Райан Гравенберх спорт директори Хасан Салихамиджич истеъфога чиқарилганидан сўнг жамоасини тарк этмоқчи. Журналист Кристиан Фалькнинг ижтимоий тармоқларда хабар беришича, Салихамиджич аввалроқ Гравенберхни дахлсиз деб ҳисоблаган. У кетганидан кейин футболчининг келажаги борасида қарорни бош мураббий Томас Тухель қабул қилади.

Эслатиб ўтамиз, Гравенберх бир йил аввал "Аякс"дан "Бавария"га ўтган эди. Дебют мавсумида нидерландиялик футболчи мунтазам ўйин амалиёти билан таъминланмади, шу сабабли футболчи клубини ўзгартирмоқчи. Райанга ҳозирда "Ливерпуль" қизиқиш билдирмоқда.