"Bavariya" yarim himoyachisi Rayan Gravenberx sport direktori Xasan Salixamidjich iste’foga chiqarilganidan so‘ng jamoasini tark etmoqchi. Jurnalist Kristian Falkning ijtimoiy tarmoqlarda xabar berishicha, Salixamidjich avvalroq Gravenberxni daxlsiz deb hisoblagan. U ketganidan keyin futbolchining kelajagi borasida qarorni bosh murabbiy Tomas Tuxel qabul qiladi.
Eslatib o‘tamiz, Gravenberx bir yil avval "Ayaks"dan "Bavariya"ga o‘tgan edi. Debyut mavsumida niderlandiyalik futbolchi muntazam o‘yin amaliyoti bilan ta’minlanmadi, shu sababli futbolchi klubini o‘zgartirmoqchi. Rayanga hozirda "Liverpul" qiziqish bildirmoqda.













