"Манчестер Сити"нинг германиялик ярим ҳимоячиси Илкай Гюндоган жамоани тарк этиши ҳақидаги миш-мишларга қарамай, инглиз гранди сафида қолиши мумкин.
Журналист Маттео Мореттонинг сўзларига кўра, Гюндоган келаси мавсумда қаерда ўйнашини ҳали ҳал қилмаган. Олдинда уни Чемпионлар лигаси финали кутиб турибди, шунинг учун ярим ҳимоячи бор эътиборини фақат “Интер”га қарши ўйинга қаратган. Хабарларга кўра, Илкай "Барселона"дан уч йиллик таклифга эга ва каталонияликлар унинг жамоасини ўзгартириш истагига ишонишмоқда.
Эслатиб ўтамиз, Илкай Гюндоган 2016 йилдан буён "Манчестер Сити"да ўйнаб келмоқда. Transfermarkt маълумотларига кўра, 32 ёшли ярим ҳимоячининг нархи 25 миллион еврони ташкил қилади.













