"Manchester Siti"ning germaniyalik yarim himoyachisi Ilkay Gyundogan jamoani tark etishi haqidagi mish-mishlarga qaramay, ingliz grandi safida qolishi mumkin.
Jurnalist Matteo Morettoning so‘zlariga ko‘ra, Gyundogan kelasi mavsumda qayerda o‘ynashini hali hal qilmagan. Oldinda uni Chempionlar ligasi finali kutib turibdi, shuning uchun yarim himoyachi bor e’tiborini faqat “Inter”ga qarshi o‘yinga qaratgan. Xabarlarga ko‘ra, Ilkay "Barselona"dan uch yillik taklifga ega va kataloniyaliklar uning jamoasini o‘zgartirish istagiga ishonishmoqda.
Eslatib o‘tamiz, Ilkay Gyundogan 2016 yildan buyon "Manchester Siti"da o‘ynab kelmoqda. Transfermarkt ma’lumotlariga ko‘ra, 32 yoshli yarim himoyachining narxi 25 million yevroni tashkil qiladi.













