Мерсисайдликлар билан шартномаси шу ой охирида тугайдиган "Ливерпуль" ярим ҳимоячиси Наби Кейта Англия Премьер-лигасини Германия Бундеслигасига ўзгартиради.
BILD журналистларининг хабар беришича, ярим ҳимоячи фаолиятини "Вердер"да давом эттиради. Томонлар музокаралар олиб боришди ва шартнома тафсилотлари бўйича келишиб олишди. Гвинеялик футболчи 2018 йилдан буён “Ливерпуль” сафини ҳимоя қилиб келаётган эди.
Кейта ўтган мавсумда инглизлар сафида 13 та ўйинда майдонга тушди.
"Вердер" Германия чемпионатининг сўнгги мавсумида 13-ўринни эгаллади.
