Уммон терма жамоаси бош мураббийи Бранко Иванович CAFA Nation's Cup доирасида бўлиб ўтадиган Ўзбекистонга қарши ўйин олдидан матбуот анжуманида иштирок этди.
"Ҳайрли кун, Ўзбекистон Футбол Ассоциациясига турнирда иштирок этиш учун таклиф берганидан миннатдормиз. Аввал ҳам икки бор Ўзбекистонга ташриф буюрганман. Бу ерга турнирда юқори натижалар кўрсатиш учун келдик. Ўзбек жамоалари бизга қарши доим қийинчилик туғдира олган. Фикримча, уларнинг (ўзбек) жамоаларида кескин ўзгариш йўқ. Ўзбекистон ва Эрон каби термаларнинг мусобақадаги иштироки турнирнинг даражаси юқори эканлигини кўрсатади. Дастлабки ўйинимиз Ўзбекистонга қарши бўлади, уларни ҳурмат қиламиз. Мусобақадаги жамоалар билан (Туркманистон, Тожикистон, Ўзбекистон) шунчаки ўртоқлик ўйинлари ўтказиб кетиш ниятимиз йўқ", - деди Иванович.
