Мадриднинг «Реал» клуби ҳимоячиси Марсело тез орада жарроҳлик амалиётини ўтказиши мумкин. Бу ҳақда испан нашрлари хабар тарқатди.
Бу бразилиялик футболчининг навбатдаги текширувдан ўтиши натижасида аниқ бўлди. Футболчи 19 октябрь куни Амстердам шаҳрида операция столига ётадиган бўлди. Марселони ўз вақтида Криштиану Роналдуни операция қилган шифокор Ник ван Дейк операция қилади.
Эслатиб ўтамиз, Марсело Польшанинг Вроцлав шаҳрида олиб бораётган машғулотлари пайти оёғидан жарроҳат олиб сафдан чиққанди. Ҳозирча унинг уч ой мобайнида сафга қайтмаслиги маълум қилинмоқда.