Туркия президенти Ражаб Тоййиб Эрдўғон Истанбулда бўлиб ўтган Чемпионлар лигаси финали “Манчестер Сити” – “Интер” (1:0) ҳақида гапирди.
“Мен “Манчестер Сити” жамоасини Туркиянинг кўз қорачиғи ва цивилизациялар бешиги бўлган Истанбулда "Отатурк" номидаги Олимпия стадионида бўлиб ўтган дунёдаги энг йирик спорт тадбирларидан бири бўлган Чемпионлар лигаси финалида ғалаба қозонгани билан табриклайман. Туркиянинг меҳмондўстлигини яна бир бор тасдиқлаган ва ушбу буюк тадбирнинг муаммосиз ва муваффақиятли ўтказилишига ҳисса қўшган барчага миннатдорчилик билдираман”, — деб ёзган Эрдўғон ижтимоий тармоқларда.
