"ПСЖ" раҳбарияти Килиан Мбаппе 2024 йилда "Реал"га ўтишини тахмин қилмоқда, дея хабар бермоқда журналист Рамон Альварес де Монт.
Манбанинг хабарига кўра, "ПСЖ" Мбаппе кейинги янги шартномани қабул қилади деб ўйламайди. Қайд этилишича, парижликлар ёзги трансфер ойнасида ҳужумчини сотмоқчи эмас.
Аввалроқ, "Реал" президенти Флорентино Перес Мбаппе 2023 йилда Мадрид клубига ўтмаслигини айтганди.
Аввалроқ, 24 ёшли франциялик парижликлар билан 2024/25 йилги мавсум учун шартномани узайтириш вариантини фаоллаштирмагани, бу эса унга 2024 йилда эркин агентга айланиши мумкинлиги ҳақида хабар берилганди.
Мбаппе жорий мавсумда "ПСЖ" сафида барча турнирларда 43 та ўйинда майдонга тушиб, 41 та гол ва 10 та голли узатмага муаллифлик қилган. Transfermarkt порталига кўра футболчининг нархи 180 миллион еврога баҳоланмоқда.
