The Times нашри хабарига кўра, "Манчестер Сити" бош мураббийи Пеп Гвардиола яқин икки йил ичида ўз лавозимини тарк этиш ниятида эмас.
Манбанинг хабарига кўра, Гвардиола "шаҳарликлар" билан шартномани охиригача ишлаб чиқмоқчи. Томонларнинг келишуви 2025 йилнинг ёзига қадар мўлжалланган.
Қайд этилишича, Гвардиолага Англиядан ташқарида ҳам таклиф бўлган, бироқ испаниялик мутахассис яна икки йил "Манчестер Сити"да қолишга қарор қилган, шундан сўнг у келажаги ҳақида қарор қабул қилади.
Эслатиб ўтамиз, аввалроқ "Манчестер Сити" Англия чемпионлиги, Англия кубоги ва Чемпионлар лигасида ғолиб чиққан эди. Шу тариқа Гвардиола треблни қўлга киритди.
"Шаҳарликлар" бош мураббийи Хосеп Гвардиола тарихда икки марта треблга эришган биринчи мураббийга айланди (биринчи марта у "Барселона" билан 2008/2009 йилги мавсумда шу ишни амалга оширган).
