Ҳимоячи Йошко Гвардиол "Манчестер Сити"нинг ёзги трансфер ойнасидаги асосий мақсадларидан бири. Бу ҳақда ижтимоий тармоқларда машҳур инсайдер Фабрицио Романо маълум қилди.
"Манчестер Сити" аллақачон Гвардиол борасида музокараларни бошлаб юборган. Шу билан бирга, "Лейпциг" хорватиялик футболчини фақат катта пул эвазига қўйиб юборади. Йошко тарихдаги энг қиммат ҳимоячига айланиш эҳтимоли ҳам бор.
Transfermarkt портали экспертлари 21 ёшли Гвардиолни 75 миллион еврога баҳоламоқда. 2022/2023 йилги мавсумда хорватиялик футболчи “буқалар” сафида 41 та ўйин ўтказиб, 3 та гол муаллифига айланган.
