40 ёшли Вячеслав Нечипорчук Истанбулда ўлдирилган.
Манбага кўра, у шаҳарга жума куни иш, шунингдек, "Манчестер Сити" ва "Интер" ўртасидаги Чемпионлар лигаси финали учун келган.
Қайд этилишича, у адвокат бўлиб ишлаган. Вячеслав ЦСКАга мухлислик қилган. Чемпионлар лигаси учрашувидан сўнг у ва унинг дўстлари дам олишга кетишган. Унга 11 июнь куни эрта тонгда ҳужум уюштирилган, у меҳмонхонага қайтаётганида жиноятчилар телефонини тортиб олмоқчи бўлган, бироқ у қаршилик кўрсата бошлаган. Босқинчилар Вячеславнинг юрагига пичоқ билан зарба беришган. Ўша куни Нечипорчук Москвага хотини ва икки ёшли қизининг олдига қайтиб келиши керак эди.
