"ПСЖ" президенти Носир Ал-Хелайфи ҳужумчи Килиан Мбаппе шартномани узайтирмаслик қароридан сўнг клуб спорт директори Луиш Кампушни истеъфога чиқариши мумкин, деб хабар беради Get French Football News.
Манбанинг ёзишича, раҳбарият 24 ёшли футболчи атрофидаги вазиятдан норози. Ал-Хелайфи ғазабда ва тез орада Кампушни лавозимидан четлатиши мумкин.
12 июнь куни футболчи клубга ҳеч қандай ҳолатда шартномани 2025 йилгача узайтириш вариантини фаоллаштирмаслиги ҳақида расмий хат йўллагани хабар қилинганди.
24 ёшли Мбаппе жорий мавсумда "ПСЖ" сафида барча турнирларда 43 та ўйинда майдонга тушиб, 41 та гол ва 10 та голли узатмани амалга оширди.