Инсайдер Фабрицио Романо "Интер" ўз ҳужумчиси Эдин Жеко билан хайрлашаётганини эълон қилди.
Милан клуби 37 ёшли футболчи билан шартномани узайтириш борасида келиша олмади, амалдаги келишув эса июнь ойи охирида тугайди. Ҳозирча ҳамкорликни давом эттириш бўйича музокаралар олиб борилмаяпти. Романонинг янгиланган маълумотларига кўра, босниялик футболчи яқин кунларда "Интер"ни эркин агент сифатида тарк этиши мумкин. Жеко билан Туркиянинг "Фенербахче" клуби ва Саудия Арабистони чемпионати клублари қизиқиш билдирмоқда.
Эдин Жеко “Интер” сафида 2021 йилнинг августидан буён ўйнаб келмоқда. У “нерадзуррилар” сафида 101 та ўйинда майдонга тушиб, 31 та гол ва 15 та голли узатмани амалга оширган.
