Лондоннинг “Челси” клуби марказий ҳимоячиси Калиду Кулибали Италия чемпионатига қайтиши мумкин.
Унинг трансферига Миланнинг "Интер" клуби қизиқиш билдирмоқда, деб хабар беради Sky Sport Italia.
Яқин кунларда Италия клуби вакиллари Англияга ташриф буюриб, “аристократлар” раҳбарияти билан учрашув ўтказади.
"Интер" лондонликлар билан сенегаллик ҳимоячининг ижараси масаласини муҳокама қилмоқчи.
Кулибали ўтган ёзда "Наполи"дан "Челси"га ўтган эди. Африкалик футболчи ўтган мавсумда Англия жамоаси сафида 23 та ўйинда майдонга тушиб, 2 та гол ва битта голли узатмани амалга оширган.