Нидерландия терма жамоаси бош мураббийи Рональд Куман Хорватия терма жамоасига қарши Миллатлар лигаси ярим финал ўйинидан олдинги фикрлари билан ўртоқлашди. Учрашув бугун, 14 июнь куни соат 23:45да бошланади.
"Бу биз юта оладиган соврин. Кубок бизнинг мамлакатимизга етиб келган. Аммо стадионда хорватиялик мухлислар кўп бўлади, деб эшитгандим, шунинг учун уйимиздаги устунлик сезиладими ёки йўқлигини кўрамиз.
Дарвозада Юстин Бейло туради. Одатда мен дарвозабонни пенальтилар сериясига алмаштириш тарафдори эмасман, шунинг учун бу содир бўлиши даргумон" - деди Куман УЕФА расмий сайтига.