"Барселона" ҳужумчиси Ансу Фатининг отаси Бори Фати ўғлини Каталония жамоасини тарк этишга ундамоқда. El Larugero хабарига кўра, Борининг фикрича, "Барселона" раҳбарияти ўғлига тўғри муносабатда эмас. Шу боис футболчининг отаси клубни ўзгартиришга чақирмоқда.
Эслатиб ўтамиз, "Барселона"нинг ўзи маошларни бошқа ўйинчиларни сотиб олишга сарфлаш учун ушбу мавсум оралиғида Фатини сотмоқчи. Бош мураббий Хави Эрнандес аллақачон Ансу билан учрашув ўтказган ва у ерда футболчига кейинги мавсумда унга ишонмаслигини айтган.
Бу омилларнинг барчасига қарамай, Фати барибир "Барселона"ни тарк этишни қатъиян рад этади. Футболчи қолмоқчи ва келажакда ўз даражасини кўрсатмоқчи.
