"Брайтон" ўзининг расмий сайти орқали ярим ҳимоячи Жеймс Милнер билан шартнома имзолаганини эълон қилди.
37 ёшли футболчи “чайқалар” билан яна бир мавсумга узайтириш имконияти билан бир йиллик шартнома имзолади.
“Жеймсни “Брайтон”да кутиб олганимдан жуда хурсандман. У биз учун катта туртки бўлади ва ишончим комилки, у бизни янада юқори даражага олиб чиқади” - деди бош мураббий Роберто де Дзерби.
Жеймс Милнер "Брайтон"га эркин агент сифатида қўшилди, унинг "Ливерпуль" билан шартномаси июнь ойи охирида тугайди.
Эслатиб ўтамиз, "Брайтон" Премьер-лигада олтинчи ўринни эгаллади. Жамоа келаси мавсумда Европа лигасида иштирок этади.
