Хорватия терма жамоаси бош мураббийи Златко Далич Миллатлар лигаси финалига чиққанидан сўнг, ким билан ўйнашни ҳоҳлайди: Испаниями ёки Италиями, деган саволга жавоб берди.
“Менда ҳеч қандай танлов йўқ. Ҳозир бироз ғалабани нишонлаймиз, кейин дам оламиз. Кейинги рақиб ким бўлиши муҳим эмас, фақат Хорватия муҳим. Биз олтин учун ҳаракат қиламиз. Бизга биргина шу нарса етишмаяпти: бизда кумуш, бронза бор. Энди биз этишмаётган олтинни олмоқчимиз", - дея Даличнинг сўзларидан иқтибос келтирган УЕФА матбуот хизмати.