Нидерландия терма жамоаси бош мураббийи Рональд Куман Миллатлар лигаси ярим финалида Хорватиядан учралган мағлубият (2:4 қ.в.) ҳақида фикр билдирди.
“Биринчи бўлимдан мамнун бўлдим, аммо иккинчи бўлимни ёмон бошладик. Хорватия ярим ҳимояси назоратни ўз қўлига олди ва муаммо туғдира бошлади. Айниқса пенальтидан кейин. Хорватларнинг бу таркиби анчадан бери бирга ўйнаб келаётганини кўриш мумкин.
Биз қўлимиздан келганини қилдик. Тўп билан ўйнашда хорватлар ишончлироқ эди. Айнан мана шу фарқ бутун ўйин давомида кўриниб турди", - дея Куманнинг сўзларини келтиради УЕФА матбуот хизмати.
