"Манчестер Сити" бир йил олдин "Лидс" жамоасидан сотиб олинган ярим ҳимоячи Кэлвин Филлипсни шу ёзда сотишга тайёр.
Эслатиб ўтамиз, "шаҳарликлар" англиялик футболчи учун 50 миллион евродан кўпроқ пул тўлашди.
Журналист Сэм Лининг фикрича, агар у учун фойдали таклиф тушса, "Манчестер Сити" Филлипсни сотиб юборади. Шу билан бирга, Кэлвиннинг ўзи ҳеч қаерга кетиш ниятида эмас, чунки у қолишни ва "Манчестер Сити"да ўйнашга лойиқлигини кўрсатишни истайди.
"Шаҳарликлар" билан биринчи мавсумида Филипс жароҳатлардан азият чекди ва асосий таркибга кира олмади, лекин у жамоа билан Англия кубоги, Чемпионлар лигаси ва Премьер-лигада ғолиб чиқди.
