Италиянинг "Комо" клуби ярим ҳимоячиси Сеск Фабрегас футболдаги келажаги ҳақида ўйламоқда.
Николо Скиранинг сўзларига кўра, испаниялик футболчининг "Комо" билан шартномаси келаси мавсум охиригача амал қилади, бироқ у яқин кунларда профессионал фаолиятини якунлаши мумкин.
36 ёшли Фабрегас жорий мавсумда "Комо" сафида Б Серияда 17 та ўйинда майдонга тушиб, 2 та голли узатмани амалга оширди.
Сеск "Арсенал", "Барселона", "Челси" ва "Монако"даги ўйинлари билан танилган. Испания терма жамоасида у икки марта Европа чемпионатида ғолибликни қўлга киритган, 2010 йилда жаҳон чемпиони бўлган.
