Мадриднинг “Реал” клуби ярим ҳимоячиси Жуд Беллингем ўзига рақам танлади. Футболчининг расмий тақдимот маросимида англиялик футболчи 5-рақамда ўйнаши маълум бўлди. Бу рақам аввалроқ "Реал" билан 2025 йилгача шартнома имзолаган ҳимоячи Хесус Вальехога тегишли эди.
Эслатиб ўтамиз, "Реал Мадрид"да 5 рақамда Рафаэль Варан, Фабиу Коэнтрау ва кейинчалик "Қироллик клуби"да мураббий бўлиб ишлаган ва уч марта Чемпионлар лигасида ғолиб чиққан Зинедин Зидан каби футболчилар ўйнашган.
Беллингем "Реал"га 103 миллион еврога тушди, аммо келажакда бу миқдор бонуслар ҳисобига оширилиши мумкин.
