"Реал Мадрид" ярим ҳимоячиси Жуд Беллингем "Қироллик клуби" билан шартнома имзолаганидан сўнг ўз ҳис-туйғулари билан ўртоқлашди. Эслатиб ўтамиз, англиялик футболчи Дортмунднинг "Боруссия"сидан 103 миллион евро эвазига ўтган эди.
“Ҳаммага, айниқса буни томоша қилаётганларга раҳмат айтмоқчиман. Бугун ҳаётимдаги энг муҳим кун, чунки мен дунёнинг энг яхши жамоасига қўшилаяпман. Ҳаммага рахмат! Келинг, олға Мадрид!", деди Беллингем "Реал Мадрид"га янги келган футболчи сифатидаги расмий тақдимотида.
Эслатиб ўтамиз, Беллингем янги клубида аввал ҳимоячи Хесус Вальехога тегишли бўлган 5-рақамли футболкада ҳаракат қилади.
