"Real Madrid" yarim himoyachisi Jud Bellingem "Qirollik klubi" bilan shartnoma imzolaganidan so‘ng o‘z his-tuyg‘ulari bilan o‘rtoqlashdi. Eslatib o‘tamiz, angliyalik futbolchi Dortmundning "Borussiya"sidan 103 million yevro evaziga o‘tgan edi.
“Hammaga, ayniqsa buni tomosha qilayotganlarga rahmat aytmoqchiman. Bugun hayotimdagi eng muhim kun, chunki men dunyoning eng yaxshi jamoasiga qo‘shilayapman. Hammaga raxmat! Keling, olg‘a Madrid!", dedi Bellingem "Real Madrid"ga yangi kelgan futbolchi sifatidagi rasmiy taqdimotida.
Eslatib o‘tamiz, Bellingem yangi klubida avval himoyachi Xesus Valyexoga tegishli bo‘lgan 5-raqamli futbolkada harakat qiladi.
