"Бавария" ҳужумчиси Томас Мюллер фаолиятини Яқин Шарқда давом эттириши мумкин эди.

Bayern Insider нашри хабарига кўра, Саудия Арабистони клубларидан бири тажрибали немис футболчисининг хизматига қизиқиш билдирган.

Мюллерга уч йиллик шартнома таклиф қилинди, бироқ Томас дарҳол рад жавобини берди. 33 ёшли ҳужумчи Саудия Арабистонига ўтишни истамаяпти.

Ҳужумчи 2009 йилдан бери "Бавария"да ўйнаб келмоқда. Унинг амалдаги шартномаси келаси йилнинг ўрталарига қадар амал қилади.

Ўтган мавсумда Мюллер 40 та ўйинда майдонга тушиб, 8 та гол ва 12 та голли узатмани амалга оширган.